wo hans paDa junun ye machalne lagi hayat

vo hans paḌā junūñ ye machalne lagī hayāt

haañ haañ yahī adā yahī andāz-e-iltifāt

vo muskurā rahe haiñ dhuñdhlakoñ kī oT se

yuuñ aazmā rahī hai mujhe talḳhī-e-hayāt

aa.e haiñ vo junūñ meñ pashemāniyāñ liye

kyā kyā fareb detā hai husn-e-tasavvurāt

baḳhshī hai kis ne mere junūñ ko ye āgahī

samjhā rahā hai kaun mujhe ramz-e-kā.enāt

kyā kuchh nahīñ milā mujhe hosh-o-ḳhirad se duur

qadmoñ meñ kā.enāt to muTThī meñ shash-jahāt

phūloñ se ab na rabt na kāñToñ se ehtiyāt

'zebā' badal rahe haiñ ba-tadrīj-e-vāqi.āt

wo hans paDa junun ye machalne lagi hayat

han han yahi ada yahi andaz-e-iltifat

wo muskura rahe hain dhundhlakon ki oT se

yun aazma rahi hai mujhe talKHi-e-hayat

aae hain wo junun mein pashemaniyan liye

kya kya fareb deta hai husn-e-tasawwuraat

baKHshi hai kis ne mere junun ko ye aagahi

samjha raha hai kaun mujhe ramz-e-kaenat

kya kuchh nahin mila mujhe hosh-o-KHirad se dur

qadmon mein kaenat to muTThi mein shash-jahat

phulon se ab na rabt na kanTon se ehtiyat

'zeba' badal rahe hain ba-tadrij-e-waqiat