wo har qadam mere hamrah rahguzar mein rahe

vo har qadam mire hamrāh rahguzar meñ rahe

mirā hī zauq-e-safar mere ham-safar meñ rahe

diyā gayā hai unhīñ ko bahādurī kā nishān

ba-vaqt-e-jang jo chup-chāp apne ghar meñ rahe

tumhāre pyaar kā maiñ bhī huuñ mo'tarif ai dost

tumhārā dard bhī kuchh mere dard-e-sar meñ rahe

unheñ to kuchh na milā jo khaḌe the sāhil par

jo tah meñ utre vahī halqa-e-guhar meñ rahe

ḳhudā kare ki dam-e-sub.h jab bhī aañkh khule

tumhārā phuul sā chehra mirī nazar meñ rahe

ye baat sach hai ki aksar ġharīb ke bachche

amiir bachchoñ se achchhe class-bhar meñ rahe

isī se hotī hai paidā kalām meñ tāsīr

qalam uThāo to māhaul bhī nazar meñ rahe

yahī hai aarzū 'nāzir' ki shā'irī ke tufail

hamārī 'izzat-o-takrīm har bashar meñ rahe

wo har qadam mere hamrah rahguzar mein rahe

mera hi zauq-e-safar mere ham-safar mein rahe

diya gaya hai unhin ko bahaduri ka nishan

ba-waqt-e-jang jo chup-chap apne ghar mein rahe

tumhaare pyar ka main bhi hun mo'tarif ai dost

tumhaara dard bhi kuchh mere dard-e-sar mein rahe

unhen to kuchh na mila jo khaDe the sahil par

jo tah mein utre wahi halqa-e-guhar mein rahe

KHuda kare ki dam-e-subh jab bhi aankh khule

tumhaara phul sa chehra meri nazar mein rahe

ye baat sach hai ki aksar gharib ke bachche

amir bachchon se achchhe class-bhar mein rahe

isi se hoti hai paida kalam mein tasir

qalam uThao to mahaul bhi nazar mein rahe

yahi hai aarzu 'nazir' ki sha'iri ke tufail

hamari 'izzat-o-takrim har bashar mein rahe