wo hon muTThi mein unki dil ho hum hon

vo hoñ muTThī meñ un kī dil ho ham hoñ

yūñhī parda sā kuchh haa.il ho ham hoñ

satā.eñ ham use jis tarah chāheñ

koī nashshe meñ yuuñ ġhāfil ho ham hoñ

tumhārā baam rashk-e-āsmāñ ho

agar tum ho mah-e-kāmil ho ham hoñ

mazā ḳhalvat kā aa.e qatl-gah meñ

vahāñ koī na ho qātil ho ham hoñ

har ik goshe meñ jaise hashr barpā

na.e fitne hoñ vo mahfil ho ham hoñ

nahīñ parvā na sabza ho lab-e-jū

ye miinā ho lab-e-sāhil ho ham hoñ

hamāre haath meñ ho teġh qātil

na ho koī 'adū bismil ho ham hoñ

girah ho zulf kī dil meñ hamāre

hamārā uqda-e-mushkil ho ham hoñ

purāne najd meñ ab hoñ na.e aaj

na.ī lailā nayā mahmil ho ham huuñ

yūñhī ham apnī hastī se guzar jaa.eñ

hamārī sa'i-e-lā-hāsil ho ham hoñ

ye kam-baḳht ik jahān-e-ārzū hai

na ho koī hamārā dil ho ham hoñ

na ham uTTheñ na koī haath uThā.e

gale par ḳhanjar-e-qātil ho ham hoñ

ye sahv-o-mahv hoñ ham sair-e-gul meñ

har ik ġhuncha hamārā dil ho ham hoñ

'riyāz' us shoḳh ko bhī tum sunā do

vo kyā hai chulbulā sā dil ho ham hoñ

wo hon muTThi mein un ki dil ho hum hon

yunhi parda sa kuchh hail ho hum hon

sataen hum use jis tarah chahen

koi nashshe mein yun ghafil ho hum hon

tumhaara baam rashk-e-asman ho

agar tum ho mah-e-kaamil ho hum hon

maza KHalwat ka aae qatl-gah mein

wahan koi na ho qatil ho hum hon

har ek goshe mein jaise hashr barpa

nae fitne hon wo mahfil ho hum hon

nahin parwa na sabza ho lab-e-ju

ye mina ho lab-e-sahil ho hum hon

hamare hath mein ho tegh qatil

na ho koi 'adu bismil ho hum hon

girah ho zulf ki dil mein hamare

hamara uqda-e-mushkil ho hum hon

purane najd mein ab hon nae aaj

nai laila naya mahmil ho hum hun

yunhi hum apni hasti se guzar jaen

hamari sa'i-e-la-hasil ho hum hon

ye kam-baKHt ek jahan-e-arzu hai

na ho koi hamara dil ho hum hon

na hum uTThen na koi hath uThae

gale par KHanjar-e-qatil ho hum hon

ye sahw-o-mahw hon hum sair-e-gul mein

har ek ghuncha hamara dil ho hum hon

'riyaz' us shoKH ko bhi tum suna do

wo kya hai chulbula sa dil ho hum hon