wo husn-e-sabz jo utra nahin hai Dali par

vo husn-e-sabz jo utrā nahīñ hai Daalī par

farefta hai kisī phuul chunñe vaalī par

maiñ hal chalāte hue jis ko sochā kartā thā

usī kī gandumī rañgat hai baalī baalī par

ye log sair ko nikle haiñ so bahut ḳhush haiñ

maiñ dil-e-girafta huuñ sabze kī pā.emālī par

ik aur rañg milā aa ke saat rañgoñ meñ

shuā-e-mahr paḌī jab se terī baalī par

maiñ khul ke saañs bhī letā nahīñ chaman meñ 'razā'

mubādā baar guzartā ho sabz Daalī par

wo husn-e-sabz jo utra nahin hai Dali par

farefta hai kisi phul chunne wali par

main hal chalate hue jis ko socha karta tha

usi ki gandumi rangat hai baali baali par

ye log sair ko nikle hain so bahut KHush hain

main dil-e-girafta hun sabze ki paemali par

ek aur rang mila aa ke sat rangon mein

shua-e-mahr paDi jab se teri baali par

main khul ke sans bhi leta nahin chaman mein 'raza'

mubaada bar guzarta ho sabz Dali par