wo ek lafz jo be-sada jaega

vo ik lafz jo be-sadā jā.egā

vahī muddatoñ tak sunā jā.egā

koī hai jo mere ta.āqub meñ hai

mujhe merā chehra dikhā jā.egā

vo ik shaḳhs jo dushman-e-jāñ sahī

magar phir bhī apnā kahā jā.egā

jalegī koī mish.al-e-jāñ abhī

magar phir añdherā sā chhā jā.egā

nafi-e-jur.at-e-haq-numā.ī sahī

magar kab kisī se kahā jā.egā

yahāñ ik shajar muntazir sā bhī hai

ab āḳhir kahāñ tak chalā jā.egā

maiñ vo mish.al-e-nīm-shab huuñ 'amīr'

jise kal kā sūraj bujhā jā.egā

wo ek lafz jo be-sada jaega

wahi muddaton tak suna jaega

koi hai jo mere taaqub mein hai

mujhe mera chehra dikha jaega

wo ek shaKHs jo dushman-e-jaan sahi

magar phir bhi apna kaha jaega

jalegi koi mishal-e-jaan abhi

magar phir andhera sa chha jaega

nafi-e-jurat-e-haq-numai sahi

magar kab kisi se kaha jaega

yahan ek shajar muntazir sa bhi hai

ab aaKHir kahan tak chala jaega

main wo mishal-e-nim-shab hun 'amir'

jise kal ka suraj bujha jaega