وہ اک پل جب میں نے تجھ کو دیکھا تھا

وہ اک پل جب میں نے تجھ کو دیکھا تھا

نام اپنا آپ اپنے ہی سے پوچھا تھا

میرے راگوں کی بندش بے مصرف تھی

اس میں تو نغموں کا جھرنا بہتا تھا

آدھی ادھوری ناقص نا کافی ہر شے

ایک خلا ہی میرے اندر پورا تھا

میں نے اس کی سانسوں کے آئینے میں

اک ابدی آواز کا چہرہ دیکھا تھا

تکتے تکتے میری آنکھیں خواب ہوئیں

کھو بیٹھوں گا تجھ کو اک اندیشہ تھا

کیا اس پردہ دار کے یوں کھل جانے میں

اک پیچیدہ رمز کوئی پوشیدہ تھا