wo is tarah se meri zindagi ke sath rahe

vo is tarah se mirī zindagī ke saath rahe

ki jaise phuul chaman meñ kalī ke saath rahe

ye hādsāt-e-alam kab kisī ke saath rahe

rahe to sirf mirī zindagī ke saath rahe

har ek lamha-e-ġham phir sukūñ meñ Dhal jaa.e

ye aadmī jo agar aadmī ke saath rahe

baḌī ḳhushī hai hameñ apnī sāda-lauhī kī

fareb jis ne diyā ham usī ke saath rahe

jinheñ ham apnā samajhte rahe zamāne meñ

fareb ban ke vahī zindagī ke saath rahe

ab is tarah mire ahbāb mujh se milte haiñ

ki jaise ajnabī ik ajnabī ke saath rahe

panāh pā na sake dāman-e-mohabbat meñ

vo hādse jo mirī zindagī ke saath rahe

ik aisā vaqt bhī aaya hai zindagī meñ 'kamāl'

zabān rakhte hue ḳhāmushī ke saath rahe

wo is tarah se meri zindagi ke sath rahe

ki jaise phul chaman mein kali ke sath rahe

ye hadsat-e-alam kab kisi ke sath rahe

rahe to sirf meri zindagi ke sath rahe

har ek lamha-e-gham phir sukun mein Dhal jae

ye aadmi jo agar aadmi ke sath rahe

baDi KHushi hai hamein apni sada-lauhi ki

fareb jis ne diya hum usi ke sath rahe

jinhen hum apna samajhte rahe zamane mein

fareb ban ke wahi zindagi ke sath rahe

ab is tarah mere ahbab mujh se milte hain

ki jaise ajnabi ek ajnabi ke sath rahe

panah pa na sake daman-e-mohabbat mein

wo hadse jo meri zindagi ke sath rahe

ek aisa waqt bhi aaya hai zindagi mein 'kamal'

zaban rakhte hue KHamushi ke sath rahe