wo itna kam se kam to mehrban hai

vo itnā kam se kam to mehrbāñ hai

mirā hī naam zeb-e-dāstāñ hai

salīqe se jo kartā dushmanī bhī

sitamgar ab koī aisā kahāñ hai

kahānī shauq kī hai mere itnī

ki ik miTTī kā paanī par makāñ hai

mujhe ab kyā kisī shai kī zarūrat

tirā ġham jab matā-e-jāvedāñ hai

bhalā kaise yaqīñ is par karūñ maiñ

mirā mahbūb mujh se bad-gumāñ hai

kahānī facebōk par hai raqam ab

mohabbat apnī mash.hūr-e-jahāñ hai

mujhe 'ḳhushtar' vatan apnā hai pyārā

zamīñ par ḳhuld ye hindostāñ hai

wo itna kam se kam to mehrban hai

mera hi nam zeb-e-dastan hai

saliqe se jo karta dushmani bhi

sitamgar ab koi aisa kahan hai

kahani shauq ki hai mere itni

ki ek miTTi ka pani par makan hai

mujhe ab kya kisi shai ki zarurat

tera gham jab mata-e-jawedan hai

bhala kaise yaqin is par karun main

mera mahbub mujh se bad-guman hai

kahani facebook par hai raqam ab

mohabbat apni mashhur-e-jahan hai

mujhe 'KHushtar' watan apna hai pyara

zamin par KHuld ye hindostan hai