wo jaan-e-intizar aae na aae

vo jān-e-intizār aa.e na aa.e

mire dil ko qarār aa.e na aa.e

yaqīñ hai aa.egā daur-e-masarrat

kisī ko e'tibār aa.e na aa.e

ḳhizāñ kā daur to ho jaa.e ruḳhsat

gulistāñ meñ bahār aa.e na aa.e

kise ma.alūm kab vo ruuTh jaa.eñ

mohabbat sāzgār aa.e na aa.e

bulāyā us ne hai to jā.ūñgā maiñ

ye mauqa baar baar aa.e na aa.e

wo jaan-e-intizar aae na aae

mere dil ko qarar aae na aae

yaqin hai aaega daur-e-masarrat

kisi ko e'tibar aae na aae

KHizan ka daur to ho jae ruKHsat

gulistan mein bahaar aae na aae

kise malum kab wo ruTh jaen

mohabbat sazgar aae na aae

bulaya us ne hai to jaunga main

ye mauqa bar bar aae na aae