wo jafa-ju ki nazar us se mila bhi na sakun

vo jafā-jū ki nazar us se milā bhī na sakūñ

vaa.e re pās-e-vafā aañkh churā bhī na sakūñ

yaar ḳhvābīda hai yuuñ fitna-e-mahshar kī tarah

aap so bhī na sakūñ us ko jagā bhī na sakūñ

tere dīdār kī gar mujh ko sa'ādat ho nasīb

hosh daulat nahīñ aisī ki luTā bhī na sakūñ

jab kiyā pesh navishta to vo hañs kar bole

kyā ye qismat kā likhā hai ki miTā bhī na sakūñ

haa.e re husn-e-jahāñ-soz ki vo āfat-e-jāñ

sāmne aa.e to phir sāmne aa bhī na sakūñ

manzil-e-'ishq meñ ye hosh-o-ḳhirad kyā hoñge

ki agar vaqt paḌe kaam meñ lā bhī na sakūñ

bāryābī dar-e-jānāñ pe alag baat hai 'ḳhār'

kyā qayāmat hai ki us kūche meñ jā bhī na sakūñ

wo jafa-ju ki nazar us se mila bhi na sakun

wae re pas-e-wafa aankh chura bhi na sakun

yar KHwabida hai yun fitna-e-mahshar ki tarah

aap so bhi na sakun us ko jaga bhi na sakun

tere didar ki gar mujh ko sa'adat ho nasib

hosh daulat nahin aisi ki luTa bhi na sakun

jab kiya pesh nawishta to wo hans kar bole

kya ye qismat ka likha hai ki miTa bhi na sakun

hae re husn-e-jahan-soz ki wo aafat-e-jaan

samne aae to phir samne aa bhi na sakun

manzil-e-'ishq mein ye hosh-o-KHirad kya honge

ki agar waqt paDe kaam mein la bhi na sakun

baryabi dar-e-jaanan pe alag baat hai 'KHar'

kya qayamat hai ki us kuche mein ja bhi na sakun