wo jald-baz shaKHs kaenat kaise ho gaya

vo jald-bāz shaḳhs kā.enāt kaise ho gayā

nahīñ nahīñ kī guuñj meñ sabāt kaise ho gayā

mujhe to apnī pyaas kā shu.ūr thā ġhurūr thā

vo ek ghūñT baḌh ke yuuñ furāt kaise ho gayā

mirī to dastaras meñ ḳhvāb tak rahe na the mire

ye kyā huā zamāna mere saath kaise ho gayā

paḌī huī khajūr se nabīz kaise ban ga.ī

rukā huā ḳhayāl harf-e-na.at kaise ho gayā

bujhe hoī charāġh meñ banī hai kaise raushnī

vo munjamid banā havā ke saath kaise ho gayā

suḳhan suḳhan meñ kis tarah samundaroñ se baat kī

paḌe paḌe qalam tirā davāt kaise ho gayā

wo jald-baz shaKHs kaenat kaise ho gaya

nahin nahin ki gunj mein sabaat kaise ho gaya

mujhe to apni pyas ka shuur tha ghurur tha

wo ek ghunT baDh ke yun furaat kaise ho gaya

meri to dastaras mein KHwab tak rahe na the mere

ye kya hua zamana mere sath kaise ho gaya

paDi hui khajur se nabiz kaise ban gai

ruka hua KHayal harf-e-nat kaise ho gaya

bujhe hoi charagh mein bani hai kaise raushni

wo munjamid bana hawa ke sath kaise ho gaya

suKHan suKHan mein kis tarah samundaron se baat ki

paDe paDe qalam tera dawat kaise ho gaya