wo jidhar bhi nazar uThawe hai
vo jidhar bhī nazar uThāve hai
zindagī kā pata batāve hai
duur tak koī bhī nahīñ ab to
kaun ye shor sā machāve hai
us saḌak par vo ghar nahīñ miltā
jo saḌak us ke ghar ko jaave hai
koī to baat hai jo maiñ chup huuñ
varna yuuñ kaun dil jalāve hai
maiñ to us kā pata huuñ lekin vo
mujh se apnā pata chhupāve hai
us se kaTtā nahīñ daraḳht koī
narm shāḳhoñ ko vo jhukāve hai
sahmā rahtā huuñ ghar ke andar bhī
jaane kyā shai mujhe Darāve hai
aao nudrat-'navāz' lauT chalo
vo kahāñ apne lab hilāve hai
wo jidhar bhi nazar uThawe hai
zindagi ka pata batawe hai
dur tak koi bhi nahin ab to
kaun ye shor sa machawe hai
us saDak par wo ghar nahin milta
jo saDak us ke ghar ko jawe hai
koi to baat hai jo main chup hun
warna yun kaun dil jalawe hai
main to us ka pata hun lekin wo
mujh se apna pata chhupawe hai
us se kaTta nahin daraKHt koi
narm shaKHon ko wo jhukawe hai
sahma rahta hun ghar ke andar bhi
jaane kya shai mujhe Darawe hai
aao nudrat-'nawaz' lauT chalo
wo kahan apne lab hilawe hai
- Book : siip (Magzin) (Pg. 241)
- Author : Nasiim Durraani
- Publication : Fikr-e-Nau (39 (Quarterly))
- Edition : 39 (Quarterly)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
