wo jis ka hausla lafz-o-bayan mein bhi na tha

vo jis kā hausla lafz-o-bayān meñ bhī na thā

paḌā jo vaqt to vahm-o-gumān meñ bhī na thā

gayā to thā maiñ ta'alluq nibāhne us tak

ye baat alag hai vo apne makān meñ bhī na thā

ye hādisa kisī sāzish kā pesh-ḳhema hai

parinda aaj to ūñchī uḌaan meñ bhī na thā

ḳhulūs naam kā ik lafz jab talāsh kiyā

kisī kitāb kisī imtihān meñ bhī na thā

na jaane kaise harīfoñ ke zehn-o-dil pe lagā

jo tiir merī zabāñ kī kamān meñ bhī na thā

ġhazal sunī to usī ko kiyā pasand us ne

jo merā she'r taġhazzul kī shaan meñ bhī na thā

sukūn phūñs ke chhappar meñ jo milā mujh ko

yaqīn kījiye puḳhta makān meñ bhī na thā

'atā kiyā thā ḳhudā ne usī ko har e'zāz

barābar us ke koī āsmān meñ bhī na thā

jo manfa’at ke liye bech de anā apnī

'atīq' aisā mire ḳhāndān meñ bhī na thā

wo jis ka hausla lafz-o-bayan mein bhi na tha

paDa jo waqt to wahm-o-guman mein bhi na tha

gaya to tha main ta'alluq nibahne us tak

ye baat alag hai wo apne makan mein bhi na tha

ye hadisa kisi sazish ka pesh-KHema hai

parinda aaj to unchi uDan mein bhi na tha

KHulus nam ka ek lafz jab talash kiya

kisi kitab kisi imtihan mein bhi na tha

na jaane kaise harifon ke zehn-o-dil pe laga

jo tir meri zaban ki kaman mein bhi na tha

ghazal suni to usi ko kiya pasand us ne

jo mera she'r taghazzul ki shan mein bhi na tha

sukun phuns ke chhappar mein jo mila mujh ko

yaqin kijiye puKHta makan mein bhi na tha

'ata kiya tha KHuda ne usi ko har e'zaz

barabar us ke koi aasman mein bhi na tha

jo manfa’at ke liye bech de ana apni

'atiq' aisa mere KHandan mein bhi na tha