wo jis ke aane hi se bazm raushni se bhar gai

vo jis ke aane hī se bazm raushnī se bhar ga.ī

kahāñ se aa.ī thī yahāñ vo kaun thī kidhar ga.ī

badan bhale hasīn thā magar tū mere vasl se

zarā to dekh aa.ine meñ kis qadar nikhar ga.ī

har ek shai huī tabāh har kisī kā dil halāk

jidhar kahīñ bhī ek dafa husn kī nazar ga.ī

maiñ filoñ meñ is qadar ka.ī dinoñ se uljhā thā

qazā bhī aa.ī intizār kar ke thak ke ghar ga.ī

amiir ke bayānoñ ko hī mānte haiñ sach sabhī

ye muflisī to dekho merā hī shikār kar ga.ī

agan baḌhānā chāhtā thā hijr kī maiñ jis qadar

udhar bahār aa.ī aur vo merā kaam kar ga.ī

wo jis ke aane hi se bazm raushni se bhar gai

kahan se aai thi yahan wo kaun thi kidhar gai

badan bhale hasin tha magar tu mere wasl se

zara to dekh aaine mein kis qadar nikhar gai

har ek shai hui tabah har kisi ka dil halak

jidhar kahin bhi ek dafa husn ki nazar gai

main filon mein is qadar kai dinon se uljha tha

qaza bhi aai intizar kar ke thak ke ghar gai

amir ke bayanon ko hi mante hain sach sabhi

ye muflisi to dekho mera hi shikar kar gai

agan baDhana chahta tha hijr ki main jis qadar

udhar bahaar aai aur wo mera kaam kar gai