wo jo be-saKHta hansne ki ada thi teri

vo jo be-sāḳhta hañsne kī adā thī terī

tujh ko ma.alūm nahīñ vo hī davā thī terī

hijr rātoñ meñ use oḌh ke so jaatā thā

paas mere jo udāsī kī ridā thī terī

tere ik dost ne pūchhā thā ye ro kar mujh se

hai qasam tujh ko batā de ki vo kyā thī terī

bad-duā apne liye ḳhuub karī thī maiñ ne

haañ magar raah meñ haa.il jo duā thī terī

terī āvāz pe lauT aa.e the terī jānib

pūchhnā kuchh bhī nahīñ thā ki razā thī terī

wo jo be-saKHta hansne ki ada thi teri

tujh ko malum nahin wo hi dawa thi teri

hijr raaton mein use oDh ke so jata tha

pas mere jo udasi ki rida thi teri

tere ek dost ne puchha tha ye ro kar mujh se

hai qasam tujh ko bata de ki wo kya thi teri

bad-dua apne liye KHub kari thi main ne

han magar rah mein hail jo dua thi teri

teri aawaz pe lauT aae the teri jaanib

puchhna kuchh bhi nahin tha ki raza thi teri