vo jo bichhḌā to kahīñ bhī mirī shunavā.ī na thī
us kī phir baa'd meñ koī bhī ḳhabar aa.ī na thī
us kā ghar to thā mire ghar se bulandī pe bahut
us kī sochoñ meñ magar koī bhī ūñchā.ī na thī
raat hamrāz thī aatī thī har ik chiiz nazar
din jo raushan huā phir aañkh meñ bīnā.ī na thī
mehrbāñ un pe agarche rahā mahtāb-e-falak
raushnī mere sitāroñ kī bhī harjā.ī na thī
'umr bhar chalte rahe haath meñ ham haath liye
sach to ye hai ki zarā bhar bhī shanāsā.ī na thī
us ke kalmāt bahut saḳht the ye maan liyā
us kī bātoñ se mujhe koī bhī rusvā.ī na thī
guftugū kartā thā jaise koī ḳhushbū ho 'shahāb'
shahr meñ us kī mahak kī bhī pazīrā.ī na thī
wo jo bichhDa to kahin bhi meri shunawai na thi
us ki phir ba'd mein koi bhi KHabar aai na thi
us ka ghar to tha mere ghar se bulandi pe bahut
us ki sochon mein magar koi bhi unchai na thi
raat hamraaz thi aati thi har ek chiz nazar
din jo raushan hua phir aankh mein binai na thi
mehrban un pe agarche raha mahtab-e-falak
raushni mere sitaron ki bhi harjai na thi
'umr bhar chalte rahe hath mein hum hath liye
sach to ye hai ki zara bhar bhi shanasai na thi
us ke kalmat bahut saKHt the ye man liya
us ki baaton se mujhe koi bhi ruswai na thi
guftugu karta tha jaise koi KHushbu ho 'shahab'
shahr mein us ki mahak ki bhi pazirai na thi
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
