wo jo firdaus-e-nazar hai aaina-KHana abhi

vo jo firdaus-e-nazar hai ā.īna-ḳhāna abhī

jalva-gar jo vo na hoñ ho jaa.e vīrāna abhī

sham.a kī lau meñ samā kar ḳhud sarāpā nuur ho

dūr-ras itnī nahīñ parvāz-e-parvāna abhī

terā dīvāna hai us kī rif.atoñ kā zikr kyā

gard ko jis kī na pahuñchā koī farzāna abhī

multafit ho kar na baḳhsheñ is tarah labrez jaam

merī hastī kā chhalak jaa.e na paimāna abhī

kaabe se phir aayā vo bahr-e-tavāf-e-mai-kada

'sehr' kī fitrat meñ hai andāz-e-rindāna abhī

wo jo firdaus-e-nazar hai aaina-KHana abhi

jalwa-gar jo wo na hon ho jae virana abhi

shama ki lau mein sama kar KHud sarapa nur ho

dur-ras itni nahin parwaz-e-parwana abhi

tera diwana hai us ki rifaton ka zikr kya

gard ko jis ki na pahuncha koi farzana abhi

multafit ho kar na baKHshen is tarah labrez jam

meri hasti ka chhalak jae na paimana abhi

kabe se phir aaya wo bahr-e-tawaf-e-mai-kada

'sehr' ki fitrat mein hai andaz-e-rindana abhi