wo jo har rah ke har moD pe mil jata hai

vo jo har raah ke har moḌ pe mil jaatā hai

ab ke pūchheñge ki us shaḳhs kā qissa kyā hai

maiñ vo patthar huuñ nahīñ jis ko milā sañg-tarāsh

maiñ ne har shakl ko apne meñ samo rakkhā hai

yūñhī chup-chāp bhalā baiThe rahoge kab tak

koī darvāza kahīñ yuuñ bhī khulā kartā hai

jab bhī girtī hai kisī kūche meñ koī dīvār

mujh ko lagtā hai koī shaḳhs bahut royā hai

paañv jalte haiñ yahāñ jism bhī jal jā.egā

tum ne kyā soch ke sahrā meñ qadam rakkhā hai

TūTte bante hī ye 'umr guzar jā.egī

merī har shakl meñ ik naqs ubhar aatā hai

ham ne har daur ke siine meñ haiñ ghoñpe ḳhanjar

aur har daur ke siine se lahū Tapkā hai

tum ne pūchhā hai ki tum kyā ho kahāñ ho kyuuñ ho

ye to batlāo ki is soch meñ kyā rakkhā hai

dasht ke peḌoñ se kyā pūchh rahe ho 'ābid'

bhuul jaao ki tumheñ koī sadā detā hai

wo jo har rah ke har moD pe mil jata hai

ab ke puchhenge ki us shaKHs ka qissa kya hai

main wo patthar hun nahin jis ko mila sang-tarash

main ne har shakl ko apne mein samo rakkha hai

yunhi chup-chap bhala baiThe rahoge kab tak

koi darwaza kahin yun bhi khula karta hai

jab bhi girti hai kisi kuche mein koi diwar

mujh ko lagta hai koi shaKHs bahut roya hai

panw jalte hain yahan jism bhi jal jaega

tum ne kya soch ke sahra mein qadam rakkha hai

TuTte bante hi ye 'umr guzar jaegi

meri har shakl mein ek naqs ubhar aata hai

hum ne har daur ke sine mein hain ghonpe KHanjar

aur har daur ke sine se lahu Tapka hai

tum ne puchha hai ki tum kya ho kahan ho kyun ho

ye to batlao ki is soch mein kya rakkha hai

dasht ke peDon se kya puchh rahe ho 'abid'

bhul jao ki tumhein koi sada deta hai