wo jo kasa liye har dar pe khaDa hota hai

vo jo kaasa liye har dar pe khaḌā hotā hai

maiñ use roz batātā huuñ ḳhudā hotā hai

kitne darvāzoñ pe jhuktā hai tumheñ kyā mā'lūm

vo jo ik shaḳhs kisī ghar kā baḌā hotā hai

vaqt par kaam na aa paa.e to bhaa.ī kaisā

ghar meñ rakkhī huī talvār se kyā hotā hai

us ne tā'rīf ke patthar se kiyā hai zaḳhmī

ye nishāna baḌī mushkil se ḳhatā hotā hai

'ishq meñ sar kabhī jhuktā hī nahīñ hai 'nādir'

ye vo sajda hai jo āñkhoñ se adā hotā hai

wo jo kasa liye har dar pe khaDa hota hai

main use roz batata hun KHuda hota hai

kitne darwazon pe jhukta hai tumhein kya ma'lum

wo jo ek shaKHs kisi ghar ka baDa hota hai

waqt par kaam na aa pae to bhai kaisa

ghar mein rakkhi hui talwar se kya hota hai

us ne ta'rif ke patthar se kiya hai zaKHmi

ye nishana baDi mushkil se KHata hota hai

'ishq mein sar kabhi jhukta hi nahin hai 'nadir'

ye wo sajda hai jo aankhon se ada hota hai