وہ جو کہتا تھا زندگی مجھ کو

وہ جو کہتا تھا زندگی مجھ کو

درد دل دے گیا وہی مجھ کو

اس سے ملنے میں وقت پر جاؤں

اس نے تحفے میں دی گھڑی مجھ کو

تیری فرقت میں جھیل سی آنکھیں

لگ رہیں جانے کیوں ندی مجھ کو

پھر اچانک کسی کی یاد آئی

جب ملی میری ڈایری مجھ کو

اب اندھیرے سکون دیتے ہیں

چبھ رہی ہے یہ روشنی مجھ کو

کتنی لمبی ہے ہجر کی گھڑیاں

ایک اک پل لگے صدی مجھ کو

سب میسر تو ہے مجھے لیکن

کھل رہی کیوں تری کمی مجھ کو

روح تھی قید اس عنایت کی

جسم نے کر دیا بری مجھ کو