wo josh aur na wo baqi hai walwala dil ka

vo josh aur na vo baaqī hai valvala dil kā

ḳhudā hī jaane ki kyā hai mo.āmla dil kā

tujhe qasam hai junūñ is tarah se le chalnā

na phūTe ḳhār-e-muġhīlāñ se aabla dil kā

bachāo Thes se is ko bahut ye nāzuk hai

na phūTe ḳhār-e-muġhīlāñ se aabla dil kā

ga.e the dasht-navardī ko ham jo vahshat meñ

junūñ ne luuT liyā haa.e qāfila dil kā

ḳhudā hī ḳhair kare jān-e-zār jā.egī

butoñ ke haath paḌā hai mo.āmla dil kā

shab-e-visāl hai takrār kī na baat karo

nikāl lene do ai jaan hausla dil kā

ajiib haal tumhārā hai in dinoñ 'shaidā'

har ek shaḳhs se karte ho kyoñ gila dil kā

wo josh aur na wo baqi hai walwala dil ka

KHuda hi jaane ki kya hai moamla dil ka

tujhe qasam hai junun is tarah se le chalna

na phuTe KHar-e-mughilan se aabla dil ka

bachao Thes se is ko bahut ye nazuk hai

na phuTe KHar-e-mughilan se aabla dil ka

gae the dasht-nawardi ko hum jo wahshat mein

junun ne luT liya hae qafila dil ka

KHuda hi KHair kare jaan-e-zar jaegi

buton ke hath paDa hai moamla dil ka

shab-e-visal hai takrar ki na baat karo

nikal lene do ai jaan hausla dil ka

ajib haal tumhaara hai in dinon 'shaida'

har ek shaKHs se karte ho kyon gila dil ka