wo kabhi mil jaen to kya kijiye
vo kabhī mil jaa.eñ to kyā kījiye
raat din sūrat ko dekhā kījiye
chāndnī rātoñ meñ ik ik phuul ko
be-ḳhudī kahtī hai sajda kījiye
jo tamannā bar na aa.e umr bhar
umr bhar us kī tamannā kījiye
ishq kī rañgīniyoñ meñ Duub kar
chāndnī rātoñ meñ royā kījiye
pūchh baiThe haiñ hamārā haal vo
be-ḳhudī tū hī batā kyā kījiye
ham hī us ke ishq ke qābil na the
kyuuñ kisī zālim kā shikva kījiye
aap hī ne dard-e-dil baḳhshā hameñ
aap hī is kā mudāvā kījiye
kahte haiñ 'aḳhtar' vo sun kar mere sher
is tarah ham ko na rusvā kījiye
wo kabhi mil jaen to kya kijiye
raat din surat ko dekha kijiye
chandni raaton mein ek ek phul ko
be-KHudi kahti hai sajda kijiye
jo tamanna bar na aae umr bhar
umr bhar us ki tamanna kijiye
ishq ki ranginiyon mein Dub kar
chandni raaton mein roya kijiye
puchh baiThe hain hamara haal wo
be-KHudi tu hi bata kya kijiye
hum hi us ke ishq ke qabil na the
kyun kisi zalim ka shikwa kijiye
aap hi ne dard-e-dil baKHsha hamein
aap hi is ka mudawa kijiye
kahte hain 'aKHtar' wo sun kar mere sher
is tarah hum ko na ruswa kijiye
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
