wo kahan mujh pe jafa karta tha

vo kahāñ mujh pe jafā kartā thā

jo muqaddar thā milā kartā thā

aaj sharmātā hai sūraj us se

vo jo tāroñ se hayā kartā thā

sochtā huuñ to hañsī aatī hai

sāmne us ke maiñ kyā kartā thā

maiñ paḌā rahtā thā uftādgī se

jāda-e-shauq chalā kartā thā

yaad aayā hai ki ḳhush-bāshī ko

ġham kā afshurda piyā kartā thā

gard-e-rah ban ke jo yuuñ baiThā huuñ

sūrat-e-sho.ala uThā kartā thā

dil se ik huuk bhī ab uThtī nahīñ

dil ki hañgāma bapā kartā thā

manziloñ tak hai kaḌī dhuup khaḌī

maiñ bhī saa.e meñ chalā kartā thā

ab vo marne kī uḌāte haiñ ḳhabar

jin pe marne ko jiyā kartā thā

vo bhī milte the kabhī mujh se 'nazar'

kabhī aisā bhī huā kartā thā

wo kahan mujh pe jafa karta tha

jo muqaddar tha mila karta tha

aaj sharmata hai suraj us se

wo jo taron se haya karta tha

sochta hun to hansi aati hai

samne us ke main kya karta tha

main paDa rahta tha uftadgi se

jada-e-shauq chala karta tha

yaad aaya hai ki KHush-bashi ko

gham ka afshurda piya karta tha

gard-e-rah ban ke jo yun baiTha hun

surat-e-shoala uTha karta tha

dil se ek huk bhi ab uThti nahin

dil ki hangama bapa karta tha

manzilon tak hai kaDi dhup khaDi

main bhi sae mein chala karta tha

ab wo marne ki uDate hain KHabar

jin pe marne ko jiya karta tha

wo bhi milte the kabhi mujh se 'nazar'

kabhi aisa bhi hua karta tha