wo kahte hain ki aankhon mein meri taswir kis ki hai

vo kahte haiñ ki āñkhoñ meñ mirī tasvīr kis kī hai

maiñ kahtā huuñ ki raushan is qadar taqdīr kis kī hai

vo kahte haiñ ki kis ne aap ko rokā hai jaane se

maiñ kahtā huuñ ki mere paañv meñ zanjīr kis kī hai

vo kahte haiñ ki hai insān to ik ḳhaak kā putlā

maiñ kahtā huuñ ki itnī azma-o-tauqīr kis kī hai

vo kahte haiñ ki dil meñ aap ne kis ko basāyā hai

maiñ kahtā huuñ ki ye duniyā-e-dil jāgīr kis kī hai

vo kahte haiñ ki kis ne jā-ba-jā likhkhā hai merā naam

maiñ kahtā huuñ shikasta is qadar tahrīr kis kī hai

vo kahte haiñ ki maiñ ne aap sā saame nahīñ dekhā

maiñ kahtā huuñ ki itnī pur-kashish taqrīr kis kī hai

vo kahte haiñ tire sheroñ meñ hai shoḳhī qayāmat kī

maiñ kahtā huuñ ḳhayāl o fikr meñ tanvīr kis kī hai

vo kahte haiñ ki ham haiñ dushmanān-e-amn ke dushman

maiñ kahtā huuñ ki un ke haath meñ shamshīr kis kī hai

vo kahte haiñ ki 'rāġhib' tum nahīñ rakhte ḳhayāl apnā

maiñ kahtā huuñ ki har dam fikr dāman-gīr kis kī hai

wo kahte hain ki aankhon mein meri taswir kis ki hai

main kahta hun ki raushan is qadar taqdir kis ki hai

wo kahte hain ki kis ne aap ko roka hai jaane se

main kahta hun ki mere panw mein zanjir kis ki hai

wo kahte hain ki hai insan to ek KHak ka putla

main kahta hun ki itni azma-o-tauqir kis ki hai

wo kahte hain ki dil mein aap ne kis ko basaya hai

main kahta hun ki ye duniya-e-dil jagir kis ki hai

wo kahte hain ki kis ne ja-ba-ja likhkha hai mera nam

main kahta hun shikasta is qadar tahrir kis ki hai

wo kahte hain ki main ne aap sa same nahin dekha

main kahta hun ki itni pur-kashish taqrir kis ki hai

wo kahte hain tere sheron mein hai shoKHi qayamat ki

main kahta hun KHayal o fikr mein tanwir kis ki hai

wo kahte hain ki hum hain dushmanan-e-amn ke dushman

main kahta hun ki un ke hath mein shamshir kis ki hai

wo kahte hain ki 'raghib' tum nahin rakhte KHayal apna

main kahta hun ki har dam fikr daman-gir kis ki hai