وہ کہتے ہیں یقیں لانا پڑے گا
وہ کہتے ہیں یقیں لانا پڑے گا
یہ دھوکہ جان کر کھانا پڑے گا
زمانہ کو بدلنا ہم نے ٹھانا
زمانہ کو بدل جانا پڑے گا
سلامت ہے ہمارا جذب الفت
تم آؤ گے تمہیں آنا پڑے گا
یہی مرضی ہے اس آرام جاں کی
ہمیں اب جان سے جانا پڑے گا
دل ناداں سمجھ جائے گا لیکن
دل ناداں کو سمجھانا پڑے گا
عدو کے ناز اٹھتے کون دیکھے
تری محفل میں اٹھ جانا پڑے گا
نہیں اے سنگ دل ہاں وو نہیں تو
کیے پر جس کو پچھتانا پڑے گا
بڑا بد راہ ہے چرخ ستم گر
اسے اب راہ پر لانا پڑے گا
پڑا ہے اے وفاؔ پالا بتوں سے
خدا کو درمیاں لانا پڑے گا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
