wo karwaT ba karwaT sirhane se guzri

vo karvaT ba karvaT sirhāne se guzrī

mirī raat tum ko manāne se guzrī

jo guzrī na thī hijr ke gulsitāñ se

vo chāhat meñ apne Thikāne se guzrī

jigar meñ mire hai ye kyā hashr barpā

ye guzrī hai jo paas aane se guzrī

vo kyā zindagī thī jo pur-nam laboñ ko

yuuñ dāñtoñ ke andar dabāne se guzrī

bajī taal jab bhī tirī dhaḌkanoñ kī

vo lafzoñ ke andar fasāne se guzrī

ik āshiq ne phūloñ kī bārish sī kar dī

sunā hai vo jab āstāne se guzrī

kabhī tum to aaogī ye aah sun kar

hai ab tak kisī is bahāne se guzrī

jo guzrī ḳhayāloñ ke markaz pe baiThe

vo kāñdhe pe sar ko jhukāne se guzrī

amaltās kī pattiyoñ kī darī par

ghaḌī tum ko dukhḌā sunāne se guzrī

ye hairān dil hai 'murād'-e-jahāñ kā

hai jis pe fanā kuchh chhupāne se guzrī

wo karwaT ba karwaT sirhane se guzri

meri raat tum ko manane se guzri

jo guzri na thi hijr ke gulsitan se

wo chahat mein apne Thikane se guzri

jigar mein mere hai ye kya hashr barpa

ye guzri hai jo pas aane se guzri

wo kya zindagi thi jo pur-nam labon ko

yun danton ke andar dabane se guzri

baji tal jab bhi teri dhaDkanon ki

wo lafzon ke andar fasane se guzri

ek aashiq ne phulon ki barish si kar di

suna hai wo jab aastane se guzri

kabhi tum to aaogi ye aah sun kar

hai ab tak kisi is bahane se guzri

jo guzri KHayalon ke markaz pe baiThe

wo kandhe pe sar ko jhukane se guzri

amaltas ki pattiyon ki dari par

ghaDi tum ko dukhDa sunane se guzri

ye hairan dil hai 'murad'-e-jahan ka

hai jis pe fana kuchh chhupane se guzri