wo kaun hai wo kya hai jo is dil mein chhupa hai
vo kaun hai vo kyā hai jo is dil meñ chhupā hai
jaise ki koī saañp kisī bil meñ chhupā hai
kyuuñ dauḌ ke aatī haiñ idhar maujeñ musalsal
kyā kam hai samundar meñ jo sāhil meñ chhupā hai
ik ruuh bulātī hai anāsir ke qafas se
par hosh kisī ḳhvāb kī mahfil meñ chhupā hai
siine ko mire sañg vo hone nahīñ detā
kuchh mom ke jaisā bhī isī sil meñ chhupā hai
maiñ kaise dikhā.ūñ ki vo lafzoñ se banā hai
ik tiir jo is sīna-e-bismil meñ chhupā hai
dhaḌkan ko mirī chhū ke parakhtā hai palaT kar
ik ḳhauf abhī tak mire qātil meñ chhupā hai
wo kaun hai wo kya hai jo is dil mein chhupa hai
jaise ki koi sanp kisi bil mein chhupa hai
kyun dauD ke aati hain idhar maujen musalsal
kya kam hai samundar mein jo sahil mein chhupa hai
ek ruh bulati hai anasir ke qafas se
par hosh kisi KHwab ki mahfil mein chhupa hai
sine ko mere sang wo hone nahin deta
kuchh mom ke jaisa bhi isi sil mein chhupa hai
main kaise dikhaun ki wo lafzon se bana hai
ek tir jo is sina-e-bismil mein chhupa hai
dhaDkan ko meri chhu ke parakhta hai palaT kar
ek KHauf abhi tak mere qatil mein chhupa hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
