wo KHwab dikhate hai sakar nahin karte

vo ḳhvāb dikhāte hai sākār nahīñ karte

ulfat se magar khul ke inkār nahīñ karte

bas baat koī un ko samjhā de ye itnī sī

rishtoñ meñ kabhī koī bevpār nahīñ karte

dil us ne kiyā chhalnī be-rahmī se pesh aayā

dushman pe bhī ham apne yuuñ vaar nahīñ karte

dekhā hai mohabbat meñ barbād hue kitne

ham dil ko bachāte hai bīmār nahīñ karte

tūfān koī aa.e is rāh-e-mohabbat meñ

is dil ko kabhī apne bezār nahīñ karte

ham achchhe bure jaise bhī sāmne hai sab ke

ham apnī haqīqat se inkār nahīñ karte

maanā kī hue zaḳhmī ye qalb-o-jigar lekin

ham zaḳhm chhupāte haiñ aḳhbār nahīñ karte

wo KHwab dikhate hai sakar nahin karte

ulfat se magar khul ke inkar nahin karte

bas baat koi un ko samjha de ye itni si

rishton mein kabhi koi bewpar nahin karte

dil us ne kiya chhalni be-rahmi se pesh aaya

dushman pe bhi hum apne yun war nahin karte

dekha hai mohabbat mein barbaad hue kitne

hum dil ko bachate hai bimar nahin karte

tufan koi aae is rah-e-mohabbat mein

is dil ko kabhi apne bezar nahin karte

hum achchhe bure jaise bhi samne hai sab ke

hum apni haqiqat se inkar nahin karte

mana ki hue zaKHmi ye qalb-o-jigar lekin

hum zaKHm chhupate hain aKHbar nahin karte