wo KHwab talabgar-e-tamasha bhi nahin hai

vo ḳhvāb talabgār-e-tamāshā bhī nahīñ hai

kahte haiñ kisī ne use dekhā bhī nahīñ hai

pahlī sī vo ḳhushbu-e-tamannā bhī nahīñ hai

is baar koī ḳhauf havā kā bhī nahīñ hai

us chāñd kī añgḌā.ī se raushan haiñ dar o baam

jo parda-e-shab-rañg pe ubhrā bhī nahīñ hai

kahte haiñ ki uThne ko hai ab rasm-e-mohabbat

aur is ke sivā koī tamāshā bhī nahīñ hai

is shahr kī pahchān thiiñ vo phuul sī āñkheñ

ab yuuñ hai ki un āñkhoñ kā charchā bhī nahīñ hai

kyuuñ baam pe āvāzoñ kā dhammāl hai 'ajmal'

is ghar pe to aaseb kā saaya bhī nahīñ hai

wo KHwab talabgar-e-tamasha bhi nahin hai

kahte hain kisi ne use dekha bhi nahin hai

pahli si wo KHushbu-e-tamanna bhi nahin hai

is bar koi KHauf hawa ka bhi nahin hai

us chand ki angDai se raushan hain dar o baam

jo parda-e-shab-rang pe ubhra bhi nahin hai

kahte hain ki uThne ko hai ab rasm-e-mohabbat

aur is ke siwa koi tamasha bhi nahin hai

is shahr ki pahchan thin wo phul si aankhen

ab yun hai ki un aankhon ka charcha bhi nahin hai

kyun baam pe aawazon ka dhammal hai 'ajmal'

is ghar pe to aaseb ka saya bhi nahin hai