wo kitni der khaDa sochta raha mujhko

vo kitnī der khaḌā sochtā rahā mujh ko

gale lagā to pata bhī nahīñ chalā mujh ko

na jaane maiñ tere pahlū meñ kaise baiTh gayā

mirī jagah hī nahīñ hai abhī uThā mujh ko

tire ḳhayāl se baḌh kar hai ḳhālī-pan merā

kahāñ kahāñ se bharegā tirā ḳhalā mujh ko

vo mere sāmne tauhīn kar gayā merī

aur is pe ye ki burā bhī nahīñ lagā mujh ko

maiñ pahlī baar huuñ zer-e-mutāla 'dānish'

abhī kahīñ pe nishāñ tak nahīñ lagā mujh ko

wo kitni der khaDa sochta raha mujh ko

gale laga to pata bhi nahin chala mujh ko

na jaane main tere pahlu mein kaise baiTh gaya

meri jagah hi nahin hai abhi uTha mujh ko

tere KHayal se baDh kar hai KHali-pan mera

kahan kahan se bharega tera KHala mujh ko

wo mere samne tauhin kar gaya meri

aur is pe ye ki bura bhi nahin laga mujh ko

main pahli bar hun zer-e-mutala 'danish'

abhi kahin pe nishan tak nahin laga mujh ko