wo koi jadui taKHliq nazar aati hai

vo koī jādūī taḳhlīq nazar aatī hai

duur se bhī mujhe nazdīk nazar aatī hai

jis se khiltā hai bayābāñ meñ guloñ kā mausam

husn-e-jānāñ meñ vo tahrīk nazar aatī hai

hai mohabbat meñ ujālā hī ujālā lekin

ye guphā duur se tārīk nazar aatī hai

aap kyoñ hijr ke topic pe pareshāñ ho jī

kyā kahīñ par koī tashkīk nazar aatī hai

nazm ho yā ho ġhazal yā koī pyārī tasvīr

nasl-e-gauhar hī kī taḳhlīq nazar aatī hai

āj-kal maiñ bhī pareshāñ huuñ mire paper haiñ

āj-kal vo bhī bahut weak nazar aatī hai

haath phailā.ūñ to aatā hai nazar haal mirā

haath bāñdhūñ to mujhe bhiik nazar aatī hai

aur ab kuchh bhī nahīñ Thiik se dikhtā mujh ko

yaar lekin tū mujhe Thiik nazar aatī hai

wo koi jadui taKHliq nazar aati hai

dur se bhi mujhe nazdik nazar aati hai

jis se khilta hai bayaban mein gulon ka mausam

husn-e-jaanan mein wo tahrik nazar aati hai

hai mohabbat mein ujala hi ujala lekin

ye gupha dur se tarik nazar aati hai

aap kyon hijr ke topic pe pareshan ho ji

kya kahin par koi tashkik nazar aati hai

nazm ho ya ho ghazal ya koi pyari taswir

nasl-e-gauhar hi ki taKHliq nazar aati hai

aaj-kal main bhi pareshan hun mere paper hain

aaj-kal wo bhi bahut weak nazar aati hai

hath phailaun to aata hai nazar haal mera

hath bandhun to mujhe bhik nazar aati hai

aur ab kuchh bhi nahin Thik se dikhta mujh ko

yar lekin tu mujhe Thik nazar aati hai