wo kusht-o-KHun wo tashaddud to ek bahana tha

vo kusht-o-ḳhūñ vo tashaddud to ik bahāna thā

use to sirf mirā zarf āzmānā thā

sunā hai ahd-e-guzishta ke fard fard kā zehn

urūs-e-fikr-o-nazar kā nigār-ḳhāna thā

mujhe jo dī ga.ī aksar sazā-e-tanhā.ī

vo sab se TuuT ke milne kā shāḳhsāna thā

mirī jagah koī hotā usī kā ho jaatā

us ajnabī kā har andāz vālihāna thā

mirī zarūrateñ merī anā ko le Dūbīñ

i'ānateñ thiiñ kisī kī ki tāziyāna thā

navādirāt se tujh ko agar hai dilchaspī

mujhe na bhuul ki merā bhī ik zamāna thā

jahāñ ye bijliyāñ hotī thiiñ 'rahbar' āsūda

ḳhudā gavāh vo merā hī āshiyāna thā

wo kusht-o-KHun wo tashaddud to ek bahana tha

use to sirf mera zarf aazmana tha

suna hai ahd-e-guzishta ke fard fard ka zehn

urus-e-fikr-o-nazar ka nigar-KHana tha

mujhe jo di gai aksar saza-e-tanhai

wo sab se TuT ke milne ka shaKHsana tha

meri jagah koi hota usi ka ho jata

us ajnabi ka har andaz walihana tha

meri zaruraten meri ana ko le Dubin

i'anaten thin kisi ki ki taziyana tha

nawadiraat se tujh ko agar hai dilchaspi

mujhe na bhul ki mera bhi ek zamana tha

jahan ye bijliyan hoti thin 'rahbar' aasuda

KHuda gawah wo mera hi aashiyana tha