wo kyun na ruThta maine bhi to KHata ki thi

vo kyuuñ na rūThtā maiñ ne bhī to ḳhatā kī thī

bahut ḳhayāl rakhā thā bahut vafā kī thī

sunā hai in dinoñ ham-rañg haiñ bahār aur aag

ye aag phuul ho maiñ ne bahut duā kī thī

nahīñ thā qurb meñ bhī kuchh magar ye dil mirā dil

mujhe na chhoḌ bahut maiñ na iltijā kī thī

safar meñ kashmakash-e-marg-o-zīst ke daurān

na jaane kis ne mujhe zindagī atā kī thī

samajh sakā na koī bhī mirī zarūrat ko

ye aur baat ki ik ḳhalq ishtirākī thī

ye ibtidā thī ki maiñ ne use pukārā thā

vo aa gayā thā 'zafar' us ne intihā kī thī

wo kyun na ruThta main ne bhi to KHata ki thi

bahut KHayal rakha tha bahut wafa ki thi

suna hai in dinon ham-rang hain bahaar aur aag

ye aag phul ho main ne bahut dua ki thi

nahin tha qurb mein bhi kuchh magar ye dil mera dil

mujhe na chhoD bahut main na iltija ki thi

safar mein kashmakash-e-marg-o-zist ke dauran

na jaane kis ne mujhe zindagi ata ki thi

samajh saka na koi bhi meri zarurat ko

ye aur baat ki ek KHalq ishtiraki thi

ye ibtida thi ki main ne use pukara tha

wo aa gaya tha 'zafar' us ne intiha ki thi