wo lamha jis se rang-e-zindagi nikhra hua sa
vo lamha jis se rañg-e-zindagī nikhrā huā sā
kabhī Thahrā huā hai to kabhī guzrā huā sā
bahā kar le gayā sailāb meñ jo raat kyā kyā
vo dariyā lag rahā hai din meñ kuchh utrā huā sā
mirī pahchān vo pūchhe to kaise maiñ batā.ūñ
maiñ apne-āp meñ simTā huuñ par bikhrā huā sā
kahīñ be-rañg sī tasvīr hai kyuuñ ai musavvir
kahīñ tasvīr kā har naqsh hai ubhrā huā sā
yaqīnan der tak tum ko hī dekhā hogā us ne
tabhī to aaj darpan bhī hai kuchh sañvarā huā sā
wo lamha jis se rang-e-zindagi nikhra hua sa
kabhi Thahra hua hai to kabhi guzra hua sa
baha kar le gaya sailab mein jo raat kya kya
wo dariya lag raha hai din mein kuchh utra hua sa
meri pahchan wo puchhe to kaise main bataun
main apne-ap mein simTa hun par bikhra hua sa
kahin be-rang si taswir hai kyun ai musawwir
kahin taswir ka har naqsh hai ubhra hua sa
yaqinan der tak tum ko hi dekha hoga us ne
tabhi to aaj darpan bhi hai kuchh sanwara hua sa
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
