wo lapeT kar nikli tauliye mein baal apne

vo lapeT kar niklī tauliye meñ baal apne

buuñd buuñd bikhre the har taraf ḳhayāl apne

ko.ele kī Dherī par baiTh kar kahā us se

zindagī ke chūlhe meñ jal rahe haiñ saal apne

dosto kisī ne kyā kholne kī ḳhvāhish meñ

jaan ke attachi meñ bhar diye jamāl apne

pūchhtī ho hijrāñ kī kaifiyat kidhar ġham hai

martabān meñ shāyad band haiñ malāl apne

koī aag kā bosa hai kahīñ pe ḳhvāboñ meñ

ham ne apne māthe par likh diye savāl apne

chāhte the sūraj kī dhuup dekhnā lekin

us ne oḌh rakkhī thī chāroñ or shaal apne

qatl to Darāme kā act thā koī 'mansūr'

kis liye lahū se haiñ donoñ haath laal apne

wo lapeT kar nikli tauliye mein baal apne

bund bund bikhre the har taraf KHayal apne

koele ki Dheri par baiTh kar kaha us se

zindagi ke chulhe mein jal rahe hain sal apne

dosto kisi ne kya kholne ki KHwahish mein

jaan ke attachi mein bhar diye jamal apne

puchhti ho hijran ki kaifiyat kidhar gham hai

martaban mein shayad band hain malal apne

koi aag ka bosa hai kahin pe KHwabon mein

hum ne apne mathe par likh diye sawal apne

chahte the suraj ki dhup dekhna lekin

us ne oDh rakkhi thi chaaron or shaal apne

qatl to Darame ka act tha koi 'mansur'

kis liye lahu se hain donon hath lal apne