wo lauT aai hai office se hijr KHatm hua

vo lauT aa.ī hai office se hijr ḳhatm huā

hamāre gaal pe ik kis se hijr ḳhatm huā

phir ek aag lagī jis meñ vasl kī thī chamak

ḳhayāl-e-yār kī māchis se hijr ḳhatm huā

thā bazm-e-duniyā meñ mushkil hamārā milnā so

nikal ke aa ga.e majlis se hijr ḳhatm huā

bhalī sharāb hai ye vasl naam hai us kā

bas ek jaam piyā jis se hijr ḳhatm huā

tumhāre hijr meñ sau vasl se guzar kar bhī

ye sochtā huuñ kahāñ kis se hijr ḳhatm huā

wo lauT aai hai office se hijr KHatm hua

hamare gal pe ek kis se hijr KHatm hua

phir ek aag lagi jis mein wasl ki thi chamak

KHayal-e-yar ki machis se hijr KHatm hua

tha bazm-e-duniya mein mushkil hamara milna so

nikal ke aa gae majlis se hijr KHatm hua

bhali sharab hai ye wasl nam hai us ka

bas ek jam piya jis se hijr KHatm hua

tumhaare hijr mein sau wasl se guzar kar bhi

ye sochta hun kahan kis se hijr KHatm hua