wo mahtab jab us ghar se ghar badalne laga

vo māhtāb jab us ghar se ghar badalne lagā

sitāre TuuT ga.e āsmān jalne lagā

Thahar ga.e to na thā koī pūchhne vaalā

jo ham chale to zamāna bhī saath chalne lagā

dayār-e-dard kī rasm-o-rah-e-vafā hai yahī

nigāh Duubī dahan bhī lahū ugalne lagā

nishāna-e-sitam-e-rozgār thā par ab

dukhoñ kā zahr mire jism-o-jāñ meñ palne lagā

vo to rahā na vo raste isī liye manzar

har ik vajūd na.e paikaroñ meñ Dhalne lagā

wo mahtab jab us ghar se ghar badalne laga

sitare TuT gae aasman jalne laga

Thahar gae to na tha koi puchhne wala

jo hum chale to zamana bhi sath chalne laga

dayar-e-dard ki rasm-o-rah-e-wafa hai yahi

nigah Dubi dahan bhi lahu ugalne laga

nishana-e-sitam-e-rozgar tha par ab

dukhon ka zahr mere jism-o-jaan mein palne laga

wo to raha na wo raste isi liye manzar

har ek wajud nae paikaron mein Dhalne laga