wo manzil dur lagti ja rahi hai

vo manzil duur lagtī jā rahī hai

bhale gaaḌī ye chaltī jā rahī hai

hañsā huuñ lazzat-e-ġham par bahut maiñ

mirī ummīd baḌhtī jā rahī hai

kisī kī bhuuk baḌhtī dekh kar hī

hamārī aañkh muñdtī jā rahī hai

mire aage ye duniyā ro rahī hai

mirī bhī umr ghaTtī jā rahī hai

abhī tak maut se jhagḌā rahā hai

vahī mahbūb bantī jā rahī hai

jahāñ saarā yahīñ shamshān hogā

ye jo talvār khiñchtī jā rahī hai

ki ḳhālī haath se maiñ kyā karūñgā

yahī mujh ko khaTaktī jā rahī hai

sabhī tyauhār ab mātam lageñge

na.ī dīvār bantī jā rahī hai

kaho to qabr merī khod aa.eñ

mirī bhī nabz ruktī jā rahī hai

wo manzil dur lagti ja rahi hai

bhale gaDi ye chalti ja rahi hai

hansa hun lazzat-e-gham par bahut main

meri ummid baDhti ja rahi hai

kisi ki bhuk baDhti dekh kar hi

hamari aankh mundti ja rahi hai

mere aage ye duniya ro rahi hai

meri bhi umr ghaTti ja rahi hai

abhi tak maut se jhagDa raha hai

wahi mahbub banti ja rahi hai

jahan sara yahin shamshan hoga

ye jo talwar khinchti ja rahi hai

ki KHali hath se main kya karunga

yahi mujh ko khaTakti ja rahi hai

sabhi tyauhaar ab matam lagenge

nai diwar banti ja rahi hai

kaho to qabr meri khod aaen

meri bhi nabz rukti ja rahi hai