wo mard hai jo kabhi shikwa-e-jafa na kare

vo mard hai jo kabhī shikva-e-jafā na kare

laboñ pe dam ho magar nāla-o-bukā na kare

kisī kā mujh pe kuchh ehsān ho ḳhudā na kare

davā to kyā mire haq meñ koī duā na kare

kahāñ se jaan paḌe zindagī ke murdoñ meñ

adā-e-husn qayāmat agar bapā na kare

adā-e-be-ḳhabarī hai ki ik tilism-e-jamāl

nigāh-e-shauq se vāqif hoñ vo ḳhudā na kare

ġharaz mujhe na dar-e-tājdār tak le jaa.e

salām karne kī hājat paḌe ḳhudā na kare

koī azāb-e-jahannam meñ mubtalā ho jaa.e

uruuj pā ke zamīñ par gire ḳhudā na kare

na dil meñ dard kisī ke liye na pās-e-vafā

ham aise ārif-e-ḳhud-kām hoñ ḳhudā na kare

buzurg ban ke maiñ baiThūñ ye ho nahīñ saktā

koī baḌā mujhe samjhe 'jigar' ḳhudā na kare

wo mard hai jo kabhi shikwa-e-jafa na kare

labon pe dam ho magar nala-o-buka na kare

kisi ka mujh pe kuchh ehsan ho KHuda na kare

dawa to kya mere haq mein koi dua na kare

kahan se jaan paDe zindagi ke murdon mein

ada-e-husn qayamat agar bapa na kare

ada-e-be-KHabari hai ki ek tilism-e-jamal

nigah-e-shauq se waqif hon wo KHuda na kare

gharaz mujhe na dar-e-tajdar tak le jae

salam karne ki hajat paDe KHuda na kare

koi azab-e-jahannam mein mubtala ho jae

uruj pa ke zamin par gire KHuda na kare

na dil mein dard kisi ke liye na pas-e-wafa

hum aise aarif-e-KHud-kaam hon KHuda na kare

buzurg ban ke main baiThun ye ho nahin sakta

koi baDa mujhe samjhe 'jigar' KHuda na kare