wo mauj-e-KHunuk shahr-e-sharar tak nahin aai

vo mauj-e-ḳhunuk shahr-e-sharar tak nahīñ aa.ī

dariyāoñ kī ḳhushbū mire ghar tak nahīñ aa.ī

sannāTe sajā.e ga.e gul-dānoñ meñ ghar ghar

kho.e hue phūloñ kī ḳhabar tak nahīñ aa.ī

ham ahl-e-junūñ paar utar jā.eñge lekin

kashtī abhī sāhil se bhañvar tak nahīñ aa.ī

sad-shukr tirā raushni-e-tabā ki ham ko

barbād kiyā aur nazar tak nahīñ aa.ī

wo mauj-e-KHunuk shahr-e-sharar tak nahin aai

dariyaon ki KHushbu mere ghar tak nahin aai

sannaTe sajae gae gul-danon mein ghar ghar

khoe hue phulon ki KHabar tak nahin aai

hum ahl-e-junun par utar jaenge lekin

kashti abhi sahil se bhanwar tak nahin aai

sad-shukr tera raushni-e-taba ki hum ko

barbaad kiya aur nazar tak nahin aai