وہ میٹھے بولوں کے جادو کہاں گئے

وہ میٹھے بولوں کے جادو کہاں گئے

بولنے والے اچھی اردو کہاں گئے

کاں جا را اے بولتے ہیں ہ کھا جاتے ہیں

وہ لہجوں لفظوں پر قابو کہاں گئے

بنگالی کے وہ کالے اور جامنی چورن

وہ چٹخارے ہاہا ہو ہو کہاں گئے

قلفی والے بابا کی ریڑھی کی گھنٹی

اور گولے گنڈے کے رس جو کہاں گئے

لڑکوں کا وہ ماچس اور لکڑی کا کھیل

آگ میں پکنے والے آلو کہاں گئے

جب ہم دونوں ہم تھے تو باہم تھے ہم

جب سے ہوئے ہیں میں میں تو تو کہاں گئے

وہ ریلیں وہ کیمرے جانے کہاں پڑے ہیں

یہ بھی یاد نہیں وہ فوٹو کہاں گئے

گولی پسٹل لانچر اور بم لایا کون

لاتیں مکے ڈنڈے چاقو کہاں گئے

لوہے اور سمنٹ میں دنیا سمٹ گئی ہے

ہرے ہرے لہراتے جادو کہاں گئے