wo mera maujon se laD laD kar ubhar kar dekhna

vo mirā maujoñ se laḌ laḌ kar ubhar kar dekhnā

dostoñ kā duur sāhil se samundar dekhnā

ham ka.ī sadiyāñ tumhāre naam par likh jā.eñge

tum bhī ik lamha hamāre naam likh kar dekhnā

ho sadaf kī chaah to tah meñ utarnā shart hai

kyā kināroñ par khaḌe yuuñ ret patthar dekhnā

mar-miTe ho jis ke tum chashm-o-lab-o-ruḳhsār par

us but-e-kāfir ke bātin kā bhī manzar dekhnā

kaisā tūfān-e-havādis kyā talātum kyā bhañvar

dekh lo un sab ko tum phir mere tevar dekhnā

sar nigūñ sāhil se Takrā kar palaTtī mauj ke

valvale chāho to phir tūfāñ meñ rah kar dekhnā

gardish-e-sayyārgāñ qismat batātī hai agar

kaam phir kis kā hai tāroñ kā muqaddar dekhnā

hai 'sabā' har raat kī taqdīr meñ nūr-e-sahar

raushnī dekhegā apnā bhī muqaddar dekhnā

wo mera maujon se laD laD kar ubhar kar dekhna

doston ka dur sahil se samundar dekhna

hum kai sadiyan tumhaare nam par likh jaenge

tum bhi ek lamha hamare nam likh kar dekhna

ho sadaf ki chah to tah mein utarna shart hai

kya kinaron par khaDe yun ret patthar dekhna

mar-miTe ho jis ke tum chashm-o-lab-o-ruKHsar par

us but-e-kafir ke baatin ka bhi manzar dekhna

kaisa tufan-e-hawadis kya talatum kya bhanwar

dekh lo un sab ko tum phir mere tewar dekhna

sar nigun sahil se Takra kar palaTti mauj ke

walwale chaho to phir tufan mein rah kar dekhna

gardish-e-sayyargan qismat batati hai agar

kaam phir kis ka hai taron ka muqaddar dekhna

hai 'saba' har raat ki taqdir mein nur-e-sahar

raushni dekhega apna bhi muqaddar dekhna