wo mizaj dil ke badal gae ki wo karobar nahin raha

vo mizāj dil ke badal ga.e ki vo kārobār nahīñ rahā

mirī jaan tere firāq meñ koī sogvār nahīñ rahā

tirī aarzū kahīñ kho ga.ī mirī justujū-e-fuzūl meñ

mujhe ain vaqt visāl meñ tirā intizār nahīñ rahā

na ḳhirad rahī na junūñ bachā dil-e-pur-ġhurūr ye kyā huā

tujhe apne aap pe ḳhud bhī ab zarā e'tibār nahīñ hai

dam-e-avvalīñ ke vo silsile vo tamām kār-e-jahāñ mire

rahe nā-tamām ki raah meñ dam-e-musta.ār nahīñ rahā

tirī bazm jo ye sajī na.ī yahāñ saarā husn hai ajnabī

koī chashm ab nahīñ surmagīñ koī gul-ezār nahīñ rahā

yahāñ mābadoñ ke hujūm meñ na bachā hai koī bhī mai-kada

kise shahr meñ kaheñ ham-navā koī bāda-ḳhvār nahīñ rahā

wo mizaj dil ke badal gae ki wo karobar nahin raha

meri jaan tere firaq mein koi sogwar nahin raha

teri aarzu kahin kho gai meri justuju-e-fuzul mein

mujhe ain waqt visal mein tera intizar nahin raha

na KHirad rahi na junun bacha dil-e-pur-ghurur ye kya hua

tujhe apne aap pe KHud bhi ab zara e'tibar nahin hai

dam-e-awwalin ke wo silsile wo tamam kar-e-jahan mere

rahe na-tamam ki rah mein dam-e-mustaar nahin raha

teri bazm jo ye saji nai yahan sara husn hai ajnabi

koi chashm ab nahin surmagin koi gul-ezar nahin raha

yahan mabadon ke hujum mein na bacha hai koi bhi mai-kada

kise shahr mein kahen ham-nawa koi baada-KHwar nahin raha