wo mizaj puchh lete hain salam kar ke dekho
vo mizāj pūchh lete haiñ salām kar ke dekho
jo kalām ho kuchh is meñ to kalām kar ke dekho
ka.ī riñd-shaiḳh aise bhī haiñ duḳht-e-raz pe shaidā
jo halāl kar ke rakh deñge harām kar ke dekho
tum isī liye bane ho ki banāo bāteñ vaa.iz
kisī kaam ke agar ho to vo kaam kar ke dekho
ye hameñ bhī dekhnā hai tumheñ kyā kahegī duniyā
jo karam hai ḳhaas ham par use aam kar ke dekho
jo nasīb āzmānā hai to raat kaisī din kyā
kahīñ sub.h kar ke dekho kahīñ shaam kar ke dekho
ġham-e-zīst ko na dekho ki fareb-e-zindagī hai
ye masarratoñ ke armāñ to tamām kar ke dekho
koī jins-e-dil kā shāyad tumheñ mil bhī jaa.e gāhak
kahīñ le ke jaao 'nātiq' kabhī daam kar ke dekho
wo mizaj puchh lete hain salam kar ke dekho
jo kalam ho kuchh is mein to kalam kar ke dekho
kai rind-shaiKH aise bhi hain duKHt-e-raz pe shaida
jo halal kar ke rakh denge haram kar ke dekho
tum isi liye bane ho ki banao baaten waiz
kisi kaam ke agar ho to wo kaam kar ke dekho
ye hamein bhi dekhna hai tumhein kya kahegi duniya
jo karam hai KHas hum par use aam kar ke dekho
jo nasib aazmana hai to raat kaisi din kya
kahin subh kar ke dekho kahin sham kar ke dekho
gham-e-zist ko na dekho ki fareb-e-zindagi hai
ye masarraton ke arman to tamam kar ke dekho
koi jins-e-dil ka shayad tumhein mil bhi jae gahak
kahin le ke jao 'natiq' kabhi dam kar ke dekho
- Deewan-e-Natiq
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
