wo mujhse puchh raha hai sunao kaisa laga

vo mujh se pūchh rahā hai sunāo kaisā lagā

tum agle zaḳhmoñ ko chhoḌo ye ghaav kaisā lagā

ajab savāl kiyā āñdhiyoñ ne pattoñ se

shajar se TuuT ke girnā batāo kaisā lagā

vo ḳhud bhī ḳhush hai zamāne ko mutma.in kar ke

mohabbatoñ meñ use rakh-rakhāv kaisā lagā

bujhā chuke the zamāne ke garm sard jise

badan kī raakh meñ phir se alaav kaisā lagā

hamārā zikr kiyā thā to ḳhud hī kah Daalo

gulābī chehre pe phailā tanāv kaisā lagā

nikal ke aa to ga.e maslahat kī chhāñv se

anā ke dasht meñ pahlā paḌāv kaisā lagā

kisī se kuchh bhī nahīñ muft meñ ḳharīdte ham

huzūr aap ko yūsuf kā bhaav kaisā lagā

wo mujh se puchh raha hai sunao kaisa laga

tum agle zaKHmon ko chhoDo ye ghaw kaisa laga

ajab sawal kiya aandhiyon ne patton se

shajar se TuT ke girna batao kaisa laga

wo KHud bhi KHush hai zamane ko mutmain kar ke

mohabbaton mein use rakh-rakhaw kaisa laga

bujha chuke the zamane ke garm sard jise

badan ki rakh mein phir se alaw kaisa laga

hamara zikr kiya tha to KHud hi kah Dalo

gulabi chehre pe phaila tanaw kaisa laga

nikal ke aa to gae maslahat ki chhanw se

ana ke dasht mein pahla paDaw kaisa laga

kisi se kuchh bhi nahin muft mein KHaridte hum

huzur aap ko yusuf ka bhaw kaisa laga