wo mujhe yaad kar raha hoga

vo mujhe yaad kar rahā hogā

aur ḳhud se ulajh paḌā hogā

sochtā huuñ vo kis kī bāñhoñ meñ

baa'd mere machal rahā hogā

kuchh na hogā ye vahm hai terā

vo chale jā.eñge to kyā hogā

dil kisī aur samt laane ko

ik nayā shaġhl DhūñDhnā hogā

'ishrat-e-nīñd tark kar ke ab

apne ḳhvāboñ ko bechnā hogā

muḳhtasar ye ki 'aish-e-dil ke liye

apne maazī ko bhūlnā hogā

hashr meñ ham kidhar ko jā.eñge

jab idhar vo udhar ḳhudā hogā

haa.e ḳhush-fahmiyāñ tirī 'haidar'

vo tujhe yaad kar rahā hogā

wo mujhe yaad kar raha hoga

aur KHud se ulajh paDa hoga

sochta hun wo kis ki banhon mein

ba'd mere machal raha hoga

kuchh na hoga ye wahm hai tera

wo chale jaenge to kya hoga

dil kisi aur samt lane ko

ek naya shaghl DhunDhna hoga

'ishrat-e-nind tark kar ke ab

apne KHwabon ko bechna hoga

muKHtasar ye ki 'aish-e-dil ke liye

apne mazi ko bhulna hoga

hashr mein hum kidhar ko jaenge

jab idhar wo udhar KHuda hoga

hae KHush-fahmiyan teri 'haidar'

wo tujhe yaad kar raha hoga