wo na aaega yahan wo nahin aane wala

vo na aa.egā yahāñ vo nahīñ aane vaalā

mujh ko tanhā.ī kā ehsās dilāne vaalā

kyā ḳhabar thī ki taras jā.egā ta.abīroñ ko

apnī āñkhoñ meñ tire ḳhvāb sajāne vaalā

apnī tadbīr ke anjām se nā-vāqif hai

haal taqdīr kā auroñ ko batāne vaalā

merī rag rag meñ lahū ban ke ravāñ ho jaise

mere saa.e se bhī dāman ko bachāne vaalā

kāmyābī se bahar-hāl ḳhushī hotī hai

hañs rahā hai mujhe dīvāna banāne vaalā

bazm kī aur hai tanhā.ī kī duniyā kuchh aur

raat bhar rotā rahā din meñ hañsāne vaalā

hama-tan gosh banā detā hai mujh ko 'fārūq'

us kī bātoñ kā vo andāz lubhāne vaalā

wo na aaega yahan wo nahin aane wala

mujh ko tanhai ka ehsas dilane wala

kya KHabar thi ki taras jaega tabiron ko

apni aankhon mein tere KHwab sajaane wala

apni tadbir ke anjam se na-waqif hai

haal taqdir ka auron ko batane wala

meri rag rag mein lahu ban ke rawan ho jaise

mere sae se bhi daman ko bachane wala

kaamyabi se bahar-haal KHushi hoti hai

hans raha hai mujhe diwana banane wala

bazm ki aur hai tanhai ki duniya kuchh aur

raat bhar rota raha din mein hansane wala

hama-tan gosh bana deta hai mujh ko 'faruq'

us ki baaton ka wo andaz lubhane wala