wo naz-e-mohabbat dikhana kisi ka
wo naz-e-mohabbat dikhana kisi ka
Abdul Majeed Dard Bhopali
MORE BYAbdul Majeed Dard Bhopali
vo nāz-e-mohabbat dikhānā kisī kā
manānā mirā ruuTh jaanā kisī kā
sitam par sitam roz Dhānā kisī kā
mujhe sau tarah āzmānā kisī kā
vo rusvā huā kūcha-e-āshiqī meñ
jo kahnā kisī ne na maanā kisī kā
jo ham par bhī girtī vo barq-e-tajallī
to ham bhī sunāte fasāna kisī kā
ajab lutf-e-tanhā.ī meñ pā rahā huuñ
tasavvur meñ hai ānā-jānā kisī kā
mujhe yaad aatā hai ai 'dard' aksar
sharāb-e-mohabbat pilānā kisī kā
wo naz-e-mohabbat dikhana kisi ka
manana mera ruTh jaana kisi ka
sitam par sitam roz Dhana kisi ka
mujhe sau tarah aazmana kisi ka
wo ruswa hua kucha-e-ashiqi mein
jo kahna kisi ne na mana kisi ka
jo hum par bhi girti wo barq-e-tajalli
to hum bhi sunate fasana kisi ka
ajab lutf-e-tanhai mein pa raha hun
tasawwur mein hai aana-jaana kisi ka
mujhe yaad aata hai ai 'dard' aksar
sharab-e-mohabbat pilana kisi ka
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
