wo naghma bulbul-e-rangin-nawa ek bar ho jae

Asghar Gondvi

wo naghma bulbul-e-rangin-nawa ek bar ho jae

Asghar Gondvi

MORE BY Asghar Gondvi

    vo naġhma bulbul-e-rañgīñ-navā ik baar ho jaa.e

    kalī aañkh khul jaa.e chaman bedār ho jaa.e

    nazar vo hai jo is kaun o makāñ se paar ho jaa.e

    magar jab rū-e-tābāñ par paḌe bekār ho jaa.e

    tabassum adā se zindagī bedār ho jaa.e

    nazar se chheḌ de rag rag mirī hushyār ho jaa.e

    tajallī chehra-e-zebā ho kuchh jām-e-rañgīñ

    zamīñ se āsmāñ tak ālam-e-anvār ho jaa.e

    tum us kāfir zauq-e-bandagī ab pūchhte kyā ho

    jise tāq-e-haram bhī abrū-e-ḳhamdār ho jaa.e

    sahar lā.egī kyā paiġhām-e-bedārī shabistāñ meñ

    naqāb-e-ruḳh ulaT do ḳhud sahar bedār ho jaa.e

    ye iqrār-e-ḳhudī hai dāva-e-īmān-o-dīñ kaisā

    tirā iqrār jab hai ḳhud se bhī inkār ho jaa.e

    nazar is husn par Thahre to āḳhir kis tarah Thahre

    kabhī ḳhud phuul ban jaa.e kabhī ruḳhsār ho jaa.e

    kuchh aisā dekh kar chup huuñ bahār-e-ālam-e-imkāñ

    koī ik jaam kar jis tarah sarshār ho jaa.e

    chalā jaatā huuñ hañstā kheltā mauj-e-havādis se

    agar āsāniyāñ hoñ zindagī dushvār ho jaa.e

    wo naghma bulbul-e-rangin-nawa ek bar ho jae

    kali ki aankh khul jae chaman bedar ho jae

    nazar wo hai jo is kaun o makan se par ho jae

    magar jab ru-e-taban par paDe bekar ho jae

    tabassum ki ada se zindagi bedar ho jae

    nazar se chheD de rag rag meri hushyar ho jae

    tajalli chehra-e-zeba ki ho kuchh jam-e-rangin ki

    zamin se aasman tak aalam-e-anwar ho jae

    tum us kafir ka zauq-e-bandagi ab puchhte kya ho

    jise taq-e-haram bhi abru-e-KHamdar ho jae

    sahar laegi kya paigham-e-bedari shabistan mein

    naqab-e-ruKH ulaT do KHud sahar bedar ho jae

    ye iqrar-e-KHudi hai dawa-e-iman-o-din kaisa

    tera iqrar jab hai KHud se bhi inkar ho jae

    nazar is husn par Thahre to aaKHir kis tarah Thahre

    kabhi KHud phul ban jae kabhi ruKHsar ho jae

    kuchh aisa dekh kar chup hun bahaar-e-alam-e-imkan

    koi ek jam pi kar jis tarah sarshaar ho jae

    chala jata hun hansta khelta mauj-e-hawadis se

    agar aasaniyan hon zindagi dushwar ho jae

    Videos
    This video is playing from YouTube

    Videos
    This video is playing from YouTube

    Jagjit Singh

    Jagjit Singh

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY