wo nahin hum jo Dar hi jawenge

vo nahīñ ham jo Dar hī jāveñge

dil meñ jo hai so kar hī jāveñge

tujh se jis dam judā hue mirī jaan

phir ye suniyo ki mar hī jāveñge

diid phir phir jahān kī kar leñ

āḳhirash to guzar hī jāveñge

jī to lagtā nahīñ jahāñ dil hai

ham bhī ab to udhar hī jāveñge

be-ḳhabar jis tarah se aa.e haiñ

is tarah be-ḳhabar hī jāveñge

tujh ko ġhairoñ se kaam hai to rah

ham bhī ab apne ghar hī jāveñge

dil ko likh paḌh ke dījiyo tū 'hasan'

varna dilbar mukar hī jāveñge

wo nahin hum jo Dar hi jawenge

dil mein jo hai so kar hi jawenge

tujh se jis dam juda hue meri jaan

phir ye suniyo ki mar hi jawenge

did phir phir jahan ki kar len

aaKHirash to guzar hi jawenge

ji to lagta nahin jahan dil hai

hum bhi ab to udhar hi jawenge

be-KHabar jis tarah se aae hain

is tarah be-KHabar hi jawenge

tujh ko ghairon se kaam hai to rah

hum bhi ab apne ghar hi jawenge

dil ko likh paDh ke dijiyo tu 'hasan'

warna dilbar mukar hi jawenge